Një tjetër incident është shënuar gjatë ditës së sotme në Parlamentin serb. Bëhet me dije se deputetët e “Dvero”, Bosko Obradovic dhe Ivan Kostiç u përleshën me drejtuesin e grupit parlamentar të SNS Aleksandar Martinoviç.
Sipas mediave vendase, 2 deputetët hynë në seancë për të shprehur pakënaqësinë që autoritetet serbe nuk po reagonin ndaj miratimit të Ligjit për Lirinë Fetare në Mal të Zi. Ata qëndruan para kryetarit të parlamentit me parulla “Vuçiç dhe Milo (presidenti malazez) – vëllezër binjakë” dhe “Serbia, pse hesht?”.
Dy deputetët pyetën deputetët e koalicionit qeverisës pse nuk po përgjigjen për miratimin e Ligjit për Lirinë Fetare në Mal të Zi dhe arrestimin e deputetëve të Frontit Demokratik. Obradoviç filloi të flasë në foltoren e Kuvendit, por mediat serbe raportojnë se asgjë nuk mund të dëgjohej në transmetim pasi mikrofoni ishte i fikur.
Za danas izdvajamo: pic.twitter.com/j6iktKbGZQ
— T@nja (@tanjajorda) December 27, 2019
Anëtarët e mazhorancës në pushtet, Vladimir Marinkovic, Aleksandar Martinoviç dhe Ministri Aleksandar Vulin, iu përgjigjën asaj dhe u afruan Obradovic dhe Kostiç. Situata u përkeqësua gati në përleshje fizike midis tyre.
Forcat e sigurisë u shfaqën gjithashtu në sallë, por kryeparlamentari Maja Gojkovic u kërkoi atyre që të mos reagojnë, ndërsa deputetëve u kërkoi që të ndalnin provokimet dhe të jenë të përmbajtur.
Kujtojmë se vetëm pak ditë më parë, po në këtë Kuvend u shënua një tjetër incident i këtij lloji. Ministri i Punëve të Brendshme, Dragan Lukaç sulmoi fizikisht deputetin e PDP-së, Drashko Stanivukoviq.
Gjatë fjalimit të mbajtur në foltoren e Kuvendit, Lukaç i është drejtuar Stanivukoviqit se nuk ka të drejtë të flasë për NATO-n, pasi sipas tij, ka qenë shumë i vogël gjatë kohës së bombardimeve.
