Pas takimit të mbajtur me Fatmir Limajn, Vjosa Osmanin dhe kryeministrin Hoti, Rama është pritur në takim nga kreu i VV, Albin Kurti. Këtë e ka njoftuar vetë kreu i qeverisë, ndërsa ka ndarë me ndjekësit në Facebook edhe pamjet.
Pak më herët, me anë të një postimi në Twitter, kryeministri Rama jepte detajet se për cfarë do shkonte ai në Prishtinë.
Shkak për vizitën e Ramës në Kosovë, është bërë aktakuza e ngritur nga Prokuroria Speciale ndaj presidentit Hashim Thaçi, kreut të LDK, Kadri Veseli dhe 9-ish luftëtarëve të UÇK për krime lufte.
Publikimi i aktakuzave solli dhe anulimin e dialogut në Shtëpinë e Bardhë, ndërkohë i dërguari i presidentit Donald Trump, Richard Grenell ka deklaruar se do të caktohet një datë tjetër për bisedimet Kosovë-Serbi.
“NË PRISHTINË PËR TË DËGJUAR DHE MËSUAR MË SHUMË PAS FLETË-RRUFESË SPECIALE QË DO TË HYJË SI NJOLLË TURPI E SHEKULLIT XXI NË HISTORINË BOTËRORE TË DREJTËSISË,E CILA PRAKTIKËN E AKUZËS PUBLIKE PA AKTAKUZË JURIDIKE E KA NJOHUR VEÇ NË EPOKAT E SUNDIMEVE IDEOLOGJIKE A PARA TYRE!”.
????NË PRISHTINË PËR TË DËGJUAR DHE MËSUAR MË SHUMË PAS FLETË-RRUFESË SPECIALE QË DO TË HYJË SI NJOLLË TURPI E SHEKULLIT XXI NË HISTORINË BOTËRORE TË DREJTËSISË,E CILA PRAKTIKËN E AKUZËS PUBLIKE PA AKTAKUZË JURIDIKE E KA NJOHUR VEÇ NË EPOKAT E SUNDIMEVE IDEOLOGJIKE A PARA TYRE!
— Edi Rama (@ediramaal) June 29, 2020
