Ditën e sotme, policia ka ndaluar një Lamborghini, drejtuesi i së cilës është konstatuar duke drejtuar mjetin me shpejtësi tej normave të lejuara.
Përkatësisht, shpejtësia e tij ishte 236 km/h ndërsa limiti në aksin Fier-Vlorë ishte 110 km/h.
Pas shkeljes, siç mund ta shihni edhe në videon e mëposhtme, policia ka sinjalizuar drejtuesin e mjetit për ndalim dhe ky i fundit i është bindur.
Sakaq, Policia Rrugore ka ndërmarrë masë ndëshkuese ndaj qytetarit.
Kujtojmë se herë pas here, uniformat blu iu bëjnë thirrje drejtuesve të automjeteve të mos ecin me shpejtësi tej normave të lejuara, të mos bëjnë manovrime të gabuara në rrugë dhe të mos drejtojnë mjetin nën ndikimin e alkoolit.
