Në Kuvendin e Armenisë ka plasur grushti ndërmjet deputetëve. Garda e Parlamentit, ndonëse ndërhyri me vonesë, ka larguar me forcë palët që u zunë. Incidenti u regjistrua gjatë fjalimit të deputetit të fraksionit “Hayastan” Vahe Hakobyan. Pas një shkëmbimi fyerjesh midis opozitës dhe deputetëve pro-qeveritarë, filloi një përleshje.
Në Kuvend, deputetët e shumicës u përplasën me opozitën. Zëniet e ashpra përfshinë edhe gratë, madje një prej tyre, Ana Mkriian, u bë të martën shkas për acarimin e situatës.
Opozita edhe më herët ishte paralajmëruar për deklaratat ndaj ish-kryeministrit Nikol Pashinian, por këtë herë u urdhërua ta lërë sallën. Shefi i qeverisë po shpërfaqte programin politik kur pati ndërhyrje nga vendi, duke e qortuar për kapitullimin e shtetit në konfliktin për rajonin malor të Karabakut, kundër Azerbajxhanit. Lufta e vitit të shkuar la të vrarë mbi 3,700 ushtarakë armenë dhe mbi 240 nuk janë gjetur.
