Banorët e një fshati në Meksikë, të pakënaqur nga puna e kryetarit të fshatit, e kanë nxjerrë jashtë nga zyra e tij dhe e kanë tërhequr zvarrë me makinë.
Sipas mediave të huaja, ishte ndërhyrja e policisë ajo çfarë e shpëtoi kryetarin Jorge Luis Escandon Hernandez, për të cilin raportohet se nuk ka marrë lëndime të mëdha. Fermerët kërkojnë nga kryetari që ai të përmbushë premtimin e tij për riparimin e një rruge lokale, ndërsa mësohet se ky është sulmi i dytë i bërë ndaj tij.
Escandon u shpreh se do t’i padisë personat e dyshuar për rrëmbim dhe vrasje në tentativë. Ndërkohë, disa persona u lënduan në përleshjen mes forcave policore dhe personave që kishin marrë pjesë në rrëmbimin e kryetarit.
UNA SU ARRASTRADA. Alcalde de #LasMargaritas, Jorge Luis Escandón Hernández, es sujetado a una camioneta que lo arrastra en pleno parque central, luego de haber sido secuestrado de la propia alcaldía #Chiapas #VideoViral pic.twitter.com/ptdP7g2w92
— Tinta Fresca Chiapas (@tinta_fresca) October 8, 2019
