Një situatë e rëndë është krijuar në fshatin Qafëzezë të Korçës. Banorët e zonës janë përfshirë në një konflikt me kryeplakun e fshatit, në lidhje me ndarjen e disa pakove me ndihma për të prekurit nga tërmeti.
Sipas Abc News, konflikti ka nisur në momentin kur disa prej banorëve nuk i ka dalë emri te përfituesit e këtyre ndihmave. Ata i kanë kërkuar llogari kryeplakut se përse nuk ka përfshirë edhe emrat e tyre në këtë listë.
Të frustruar nga kjo gjë, banorët kanë filluar të marrin vetë ç’kanë gjetur aty, duke shkaktuar edhe nisjen e sherrit mes tyre.
