Kamerat e sigurisë kanë filmuar momentin kur një person i maskuar, ka hedhur një sasi tritoli, drejt banesës së Ilgnor Vorës, kryetarit të grupseksionit të PD në zonën e Shijakut.
Fillimisht, ai afrohet pranë shtëpisë, i ka vënë flakën fitilit dhe më pas ndodh shpërthimi. Menjëherë pas kësaj, autori është larguar me shpejtësi nga vendngjarja.
Si ndodhi ngjarja
Një sasi lëndë plasëse e dyshuar tritol, shpërtheu mbrëmjen e djeshme në Shijak, në lagjen ”Kodra”. Lënda plasëse ishte vendosur në portën e banesës së shtetasit Ilgnor Vora, drejtues i PD-së në Shijak. Fatmirësisht nuk u raportua për të lënduar, por vetëm për dëme materiale.
”Më datë 23.05.2021, rreth orës 22:00, në lagjen” Kodra”, Shijak ka shpërthyer një sasi e vogël lënde plasëse në portën e banesës së shtetasit O.V., ku për pasojë ka vetëm dëme materiale. Menjëherë në vendngjarje kanë shkuar shërbimet e Policisë dhe kanë shoqëruar disa persona në Komisariat.”, informoi policia.
Reagimi i Ilgor Vorës
Në një deklaratë për mediart, Vora është shprehur se nuk ka konflikte me njeri, dhe se aktualisht nuk është informuar në lidhje me pistën e hetimit.
“Ishte një tritol i shpërthyer pranë derës ku ne banojmë, rreth orës 21:50. Shpërtheu një fitil me lëndë plasëse të ndezur. Deri tani nuk dimë asgjë sa i përket pistës së hetimit. Policia e Shijakut dhe e Durrësit po hetojmë. Sa i përket politikës, unë ushtroj gjatë 3 viteve ushtroj detyrën e kryetarit në Shijak. Ne jemi familje shumë e madhe. Jetojmë 12 persona në një banesë, bashkë me vëllain e madh dhe familjen e tij. Të trembur jemi shumë.”, tha ai.
