E diel, 28 Nëntor, 2021
12.5 C
Tirana

Udhëtonte nga Athina, Lukashenko mori peng avionin për gazetarin 26 vjeçar

Është nisur për t’u rikthyer në shtëpi, në Vilnius, por ka përfunduar në vendin që ai e braktisi nga frika e regjimit, në Bjellorusi. Gazetari Roman Protasevic po udhëtonte nga Athina për në Vilnius, kur avioni i tij u detyrua të ulej në Minsk, pas udhërit të Lukashenko. Aktivisti ishte anëtar i delegacionit të lideres të opozitës Bjelloruse Svetlana Tikhanovskaya, e cila kishte marrë pjesë në Forumin e Delphi.

Gazetari 26-vjeçar ka shprehur prej kohësh frikën se mund të vritet sepse ai kundërshtoi publikisht Lukashenkon. Deri në momentin e  arrestimit të tij, Protasevic ishte kryeredaktori i një media në Bjellorusi, e cila ka rreth 250,000 ndjekës.  26-vjeçari ka punuar në edicionin e lajmeve me bazë në Poloni NEXTA, i cili vitin e kaluar transmetoi imazhe të protestave kundër Presidentit të Bjellorusisë Aleksandër Lukashenko.  Kanali me 1 milion ndjekës kundërshton hapur Lukashenkon, kundërshtarët e të cilit janë rrëmbyer dhe vrarë në të kaluarën.

Madje ka luajtur  një rol të madh në protestat masive kundër Lukashenkos në vitin 2020, një kohë kur ishte e vështirë për mediat e huaja të bënin diçka të tillë. Rikujtojmë se në Bjellorusi kanë shpërthyer protesta masive pas rezultatit te zgjedhjeve, diçka që Lukashenko e ka mohuar.

Pamjet tronditëse që ai tregoi shfaqnin brutalitetin e policisë në shtypjen e protestuesve pas zgjedhjeve të diskutueshme të 9 gushtit 2020. Kur qindra mijëra njerëz dolën në rrugë për të shprehur kundërshtimin e tyre ndaj këtij regjimi autoritar, shteti iu kundërpërgjigj me forcë. Forcat bjelloruse të sigurisë kanë arrestuar mijëra njerëz dhe u janë nënshtruar torturave dhe keqtrajtimeve, sipas Human Rights Watch. Viktimat kanë deklaruar  se janë rrahur dhe kanë pësuar tortura nga më të ndryshmet. Ata kanë pësuar dëmtime serioze: kocka dhe dhëmbë të thyer, plagë në lëkure, djegie dhe në disa raste dëmtime të veshkave, sipas organizatës.

Sipas Euro Radio, në fillim të vitit 2010 Protasevic ishte një aktivist i ri. Ai është arrestuar disa herë, njëri prej tyre në 2011. Ai gjithashtu është përjashtuar nga Departamenti i Gazetarisë i Universitetit Shtetëror të Bjellorusisë. Në nëntor 2020, Protasevic postoi në Twitter një kopje të listës zyrtare të autoriteteve Bjelloruse me terroristë, që përfshinte emrin e tij. Lista pretendon se Protasevic u akuzua për organizimin e demonstratave masive ndërsa punonte për Nexta.

Protasevic akuzohet gjithashtu për prishje të rendit publik dhe nxitje të urrejtjes. Ai i konsideron akuzat, “një shtypje të pajustifikuar politike”. Në janar 2020, ai kërkoi azil në Poloni pas presionit nga forcat e sigurisë. Ai besonte se telefoni i tij celular përgjohej ndërsa ishte në Bjellorusi. “E kuptova që ata thjesht po presin diçka dhe ekziston çdo  mundësi që unë të burgosem,” tha ai.

Pasi shkoi në Poloni në 2019 për shkak të presionit nga autoritetet, ai mori edhe prindërit e tij pasi po monitoroheshin në Bjellorusi. Megjithatë, më vonë, ai shkoi për të jetuar në Vilnius, kryeqyteti i Lituanisë, ku është strehuar edhe Svetlana Tichanovskaya. Protaseviç mund të dënohet 15 vite në Bjellorusi, por Euro Radio dyshohet se, ai mund të dënohet shumë më rendë se kaq.

- Reklama -

Më shumë nga kategoria




Të fundit

Masakrimi i masakrës

Nga: Luçiano Boçi  Kur ndodh një krim, gjëja kryesore që bëjnë autorët është djegia e mjeteve me të cilat kryhet krimi. Pra asgjësohet vetë krimi....

I ndaloi keçapin lojtarëve, kompania nuk ia përton Antonio Kontes

Emërimi i Antonio Kontes në krye të Totenhemit, solli ndryshime në klub. Tekniku i dha një vemendje të veçantë ushqimeve që konsumonin lojtarët, të...

FORMULA 1/ Presidenti ‘tradhton’ Shumakerin: S’është më i miri i historisë

Presidenti i FIA-s i ka befasuar të gjithë, duke mos e kurorëzuar si më të mirin ish-pilotin e tij në kohën e Ferrarit. Zhan...

Skandali me pagesat e UEFA-s, FSHF publikon “provat” e gabuara

Federata Shqiptare e Futbollit ka dalë sot me një tjetër qëndrim zyrtar rreth çështjes së skandalit të shpërndarjes së fondeve të UEFA-s, në mënyrë...

Kreu zbulime që e revolucionarizuan shkencën: Kush ishte Galileo Galilei

Në cilësinë e ”babait” themelues në fushën e fizikës dhe astronomisë, Galileo Galilei është i njohur për kontribute të panumërta në shkencë. Mendimtari italian,...