Një mi që kishte hyrë në parlamentin e Andalusias në Spanjë, ka frikësuar pa përjashtim të gjithë deputetët, të cilët menjëherë lëvizën nga karrigia e tyre. Kjo situatë komike ka ndodhur dje, ku seanca është ndërprerë për shkak të një miu.
Miu është shfaqur papritur në ambjentet e brendshme, e ndërsa të pranishmit në sallë e shfaqën frikën që i kaploi. Kur deputetët po përgatiteshin të votonin, një mi u shfaq në sallë duke krijuar një kaos në Parlament, pasi të gjithë të pranishmit u frikësuan.
Shfaqja e miut bëri bujë në dhomën e mbledhjeve. Videoja tregon se si kryetarja e Parlamentit, Marta Bosquet ka frikë kur sheh miun që vrapon poshtë tavolinave.
