Ka përfunduar ndeshja finale Itali-Greqi e turneut të bamirësisë të organizuar nga Sindikata e Futbollistëve Shqiptarë.
Fituese u shpall skuadra italiane me në krye ish-trajnerin e kombëtares, Xhani de Biazi. Çdo ndeshje ka zgjatur 35 minuta. Ndeshja e parë ishte ajo mes Shqipërisë dhe Italisë, ku kjo e fundit fitoi me penallti.
Më pas u zhvillua ndeshja tjetër Greqi-Turqi, e cila u mbyll me rezultatin 1-0 falë golit të realizuar nga kapiteni grek, Karagunis me 11-metërsh.
Italia triumfoi në finale me rezultatin 1-0, falë një autogoli të realizuar në minutën e 23-të, duke fituar kështu trofeun e turneut të bamirësisë.
Kujtojmë se të gjitha të ardhurat të përfituara nga zhvillimi i këtij turneu, do të shkojnë në ndihmë të banorëve të prekur nga tërmeti i 26 nëntorit.
