Moderatorja e njohur, Luana Vjollca, është përlotur gjatë emisionit të saj “Shiko Kush Luan”.
Si kurrë më parë, moderatorja është ulur në karrigen e të intervistuarit, teksa këngëtari Ramadan Krasniqi i drejtonte pyetjet.
“Cili është mesazhi që do t’iu jepje të gjithë vajzave që iu mungon figura atërore?”, ishte pyetja që iu drejtua Luanës.
Pikërisht kjo ishte edhe pyetja që bëri që moderatorja mos t’i mbante dot lotët. Ajo është shprehur edhe më parë se kjo është pjesa e trishtë dhe e vështirë e historisë së saj, për të cilën nuk preferon të flasë shumë.
“Unë jam rritur në një familje vetëm me vajza. Gjithçka që është arritur është bërë me forcën e femrës, me heroinën, me mamin. Unë mendoj që femrat dhe zëri i femrës është më i fuqishmi që ka bota. Nëse ka një synim femra ja del, nëse femrat bëhen bashkë e mbështesin njëra-tjetrën nuk ka gjë që do i mposhtë. Kështu që mesazhi im është bëhuni të forta dhe diljani vetë se mundeni”, u përgjigj Luana.
https://www.instagram.com/p/B5OPrrblFYO/?utm_source=ig_web_copy_link
