Para 30 qershorit, kryetarja e LSI-së, Monika Kryemadhi shpreheshe e bindur se Rama do të shporrej. Në emisionin e Ylli Rakipit, ajo këmbëngulte se do të bëhej kamikaze, dhe se ishte e gatshme të merrte me vete Ramën për të zhbllokuar krizën.
Mjaft e revoltuar, Kryemadhi shprehej me tone të larta se zgjidhje tjetër nuk kishte, ose do ikte ajo me kryedemokratin, ose kryeministri Rama. Por rrjedha e historisë tregoi se opozita e bashkuar nuk hyri në zgjedhje.
“O do iki Edi Rama, o do ikin Lul Basha me Monika Kryemadhin.
Fikja e aparatit të oksigjenit të Edi Ramës do të bëhet nga Lulzim Basha.
Dëgjoje, nuk ka asnjë shans.
Se jam dhe doktoreshë.
Me pesë goca hyj në parlament, dhe e mbaroj Edi Ramën.
E njoh mirë unë atë çfarë burri është.
E lidh me litar me shallat e grave, e lidhim Edi Ramën po të ishte për ta hequr me dhunë.
Pra po ta ripërsëris, ose ikën Edi Rama ose ikin Lulzim Basha dhe Monika Kryemadhi nga politika.
Ne po e themi, nëse ikja jonë nga politika zhbllokon krizën dhe të ardhmen e shqiptarëve, unë bëhem kamikaze, me dëshirën më të madhe sepse unë jam e gatshme të marr me vete Edi Ramën dhe ta zhbllokojmë Shqipërinë”, shpreheshe Kryemadhi.
Rama jo vetëm që nuk ka ikur, por zhvilloi dhe zgjedhjet për pushtetin vendor më 30 qershor me bekimin e ndërkombëtarëve, të cilat i certifikuan.
