Kryeministri i Izraelit Benjamin Netanyahu u vaksinua sot kundër COVID-19 në një transmetim të drejtpërdrejtë televiziv. Netanyahu u bë i pari izraelit dhe një nga udhëheqësit e parë botërorë që është vaksinuar me dozën e parë të vaksinës së “Pfizer”.
Kreu i qeverisë tha se ai dëshiron të jetë i vaksinuari i parë në vend për të dhënë një “shembull personal” dhe për të inkurajuar izraelitët që të bëjnë të njëjtën gjë.
Ai garantoi se nëse të gjithë e bënin së bashku vaksinën, atëhere pandemia do kalohej më shpejt se ç’mendon njerëzimi.
“Kjo është një ditë shumë e madhe për shtetin e Izraelit. Ne kemi përjetuar për gati një vit pandeminë më të keqe që njerëzimi ka njohur në 100 vitet e fundit dhe ky është fillimi i fundit. Ne kemi sjellë miliona vaksina në shtetin tonë të vogël të Izraelit dhe të gjithë duhet të vaksinohen.”, tha Netanyahu.
