Mbrojtësi i skuadrës së Lazio, Patric është gjobitur me 10 mijë euro pasi kafshoi në krah futbollistin e Lecces, Giulio Donati.
Ngjarja u regjistrua gjatë ndeshjes së mbrëmshme mes dy skuadrave, ku Lazio u mposht me rezultatin 1-2. Në minutat e fundit të ndeshjes, mbrojtësi spanjoll i bardhekaltërve kafshoi në krah Donatin.
https://www.youtube.com/watch?v=cSmEnWiO2lw
Pas këtij akti, arbitri e ndëshkoi atë me kartonin e kuq. Gjithashtu ai është pezulluar me 4 ndeshje për këtë veprim.
Patric i ka kërkuar falje kundërshtarit të tij me anë të një statusi në Instagram.
“Giulio Donati të kërkoj ndjesë për gjestin që bëra, ishte mungesë kthjelltësie. Për më tepër të uroj shumë fat ty dhe skuadrës tënde për pjesën e mbetur të kampionatit”, shkroi ai.
