Shqipëria është duke zhvilluar ndeshjen e saj miqësore përballë Uellsit, në stadiumin ”Cardiff City”. Edhe pse ndeshja është disi e vakët sa u takon rasteve për shënim, në minutën e 58-të, pati një ”karambol” midis teknikut Edi Reja dhe futbollistit uellsian Norrington.
Ky i fundit, ishte në duel për topin me sulmuesin Rei Manaj dhe e shtyu shqiptarin tej vijave të fushës. Bomberi lushnjar u rrëzua, duke prekur edhe 75-vjeçarin i cili afër tij, duke u rrëzuar edhe ai.
Në këtë moment, Reja u nervozua me futbollistin e Uellsit, por më pas u çua dhe i jepte direktivat lojtarëve të kombëtares.
Pas shumë insistimesh, gjyqtari i takimit vendosi ta ndëshkojë me karton të verdhë uellsianin, për ndërhyrjen e tij.
Formacionet zyrtare
Uells– (4-4-2): Henesi; Ampadu, Mefam, Dejvis, Uilliams; Levit, Alen, Ramsi, Norrington-Dejvis; Bruks, Roberts. Trajner: Rob Pejxh.
Shqipëria – (3-5-2): Selmani; Ismajli, Kumbulla, Gjimshiti; Doka, Çekiçi, Bare, Abrashi, Lenjani; Balaj, Manaj. Trajner: Edoardo Reja.
