Një fenomen i çuditshëm është regjistruar së fundmi në Itali, teksa në akullnajën Presena në veri të vendit është parë borë me ngjyrë rozë.
Mediat e huaja raportojnë se fenomeni është shkaktuar nga një algë e cila shumohet kur bora shkrin, duke i dhënë akullit këtë ngjyrë.
Nga ana tjetër, alga rrit shpejtësinë me të cilën bora shkrin duke përshpejtuar absorbimin e rrezatimit. Alga nuk është e rrezikshme, por është një fenomen natyror që ndodh gjatë periudhave të pranverës dhe verës, në lartësi mesatare por edhe në pole.
Biagio di Mauro, kërkues nga Këshilli Kombëtar i Kërkimeve, po heton fenomenin. Ndërsa ekspertë të tjerë po tentojnë të vlerësojnë efektin e fenomeneve të tjera, përveç aktivitetit njerëzor, në mbinxehjen e tokës. Bëhet fjalë për fenomene natyrore, si rasti i algës, por mund të lidhet edhe me praninë e njerëzve në këto lartësi me teleferikë e pista skijimi, por edhe me alpinizëm.
