Një ngjarje e pazakontë është regjistruar gjatë një martese në Kinë, teksa dhëndri i bën ‘surprizë’ nuses videon ku ajo shfaqej duke e tradhtuar atë.
Videoja e publikuar nga Kwong Wah Daily, nis me nusen dhe dhëndrin të cilët futen brenda në ambientet e lokalit ku po i presin të ftuarit.
Ata zënë vend në mes të skenës dhe ashtu siç ndodh në shumicën e dasmave, një video fillon dhe shfaqet para të ftuarve. Zakonisht këto video tregojnë fotot e fëmijërisë së çiftit, si ata u njohën, fotot e tyre gjatë lidhjes etj.
Por nusja nuk e dinte që burri i saj e kishte zbuluar se ajo e kishte tradhtuar atë me burrin e motrës së saj. Ai i kishte zbuluar ata përmes pamjeve të kamerave të survejimit që kishte vënë në shtëpinë e tij.
Gruaja e cila u ndje e turpëruar para familjarëve të saj, ia hodhi buqetën dhëndrit të saj, ndërsa ky i fundit bërtiste “Mendove se nuk e dija ëë?” Të pranishmit në sallë arrijnë t’i ndajnë ata nga njëri-tjetri përpara se të fillonin të rriheshin.
