Ministrja e Arsimit, Besa Shahini ka publikuar një video-mesazh në Facebook, për të gjithë nxënësit e shkollave.
Ajo ka lajmëruar fillimin e transmetimeve të leksioneve mësimore në RTSH 1. Shahini deklaron se do të ketë 2 orare, ku do të transmetohen çdo ditë leksione të ndryshme.
“Për të gjithë juve që mund t’i humbisni transmetimet në këto dy orare, të gjitha videot do të jenë edhe tek kanali i Ministrisë së Arsimit, Sportit dhe Rinisë (MASR) në youtube. Dhe këtu mund të gjeni jo vetëm videot që i transmetojmë tek RTSH, por mund të gjeni edhe video të tjera, të cilat mësuesit po i punojnë me nxënësit e tyre dhe po i ndajnë nëpër rrjete sociale me ta. Por po i ndajnë edhe me neve që t’i vendosim në dispozicion të të gjithë nxënësve”, thotë Shahini në videon e publikuar.
