Dy adoleshentë janë arrestuar ditën e sotme, ndërsa dy të tjerë janë shpallur në kërkim nga policia.
Katër djemtë akuzohen për një sërë vjedhjesh nga agjencitë e sigurimit e deri tek farmacitë. Bëhet me dije se në pranga ka rënë 14-vjeçari, I.L banues në Tiranë dhe 16-vjeçari, K.S banues në Kamzë.
Adoleshentët janë filmuar nga kamerat e sigurimit teksa kanë grabitur 6 subjekte të ndryshme brenda një nate të vetme. Ndërkohë policia shton se djemtë kanë kryer edhe një sërë vjedhjesh të tjera më parë.
