E premte, 3 Dhjetor, 2021
13.5 C
Tirana

Kamuflim, robotë, lazera: Ja cilat do jenë armët e së ardhmes (VIDEO)

Lufta ka nxitur gjithmonë arritjet më të mëdha në teknologji. Secili nga vendet përpiqet vazhdimisht të ketë armatimet më të përparuara, për të mbrojtur interesat e tij brenda dhe jashtë vendit. Duket u frymëzuar nga fantashkenca, përparimet më të fundit në pajisjet ushtarake dhe armët e ardhshme, na japin një panoramë të saktë, dhe të rrezikshme se si do jetë lufta në vitet e ardhshme.

Kamuflimi adaptiv

Armiku nuk mund të qëllojë, atë që s’mund ta shohë dot. Ky është synimi i sistemit ADAPTIV BAE të kamuflimit, për të maskuar rrezet infra të kuqe të një mjeti ushtarak, dhe i mbron ata nga zbulimi. Kamuflimi i ngjan një hoje bletësh, dhe mund të instalohet në çdo automjet. Ai mund të nxehet apo të ftohet në përshtatje me mjedisin përreth. CV90120-T Ghost, është një tank suedez që përdor kamuflazhin ADAPTIV BAE, për ta bërë atë të padukshëm për sistemet armike të imazheve termike.

Municioni eksploziv hidrodinamik (MAHEM)

Sistemi i armëve MAHEM nga kompania DARPA, përdor një gjenerator të fluksit magnetik, për të lëshuar një predhë pa përdorimin tradicional të eksplozivëve kimikë. Ai krijon në këtë mënyrë një sistem lëshimi më efektiv, dhe më të saktë. Ky sistem, përdor metalin e shkrirë për të depërtuar në automjetet e blinduara të armikut, duke rritur vdekshmërinë gjatë sulmit, dhe efektivitetin në fushën e betejës.

TASER Shockwave

TASER Shockwave është një sistem mbrojtës, i krijuar për të ndihmuar forcat e policisë gjatë protestave të dhunshme apo rebelimeve. Ai përbëhet nga dhjetëra gryka zjarri, që qëllojnë me valët elektrike neuroparalalizuese.

Sistemi i armatosur robotik (MAARS)

Është një sistem i ndërtuar për të shpëtuar jetë njerëzore, dhe për t’u përballur me situata shumë të rrezikshme. Roboti MAARS, ka një mitraloz që qëllon 400 herë në minutë, dhe një granatëhedhëse. Ai mund përdoret për të nxjerrë jashtë rrezikut ushtarët e plagosur.

“Kalorësi i Zi” automatik

Është një automjet prototip pa pilot. Ai është i pajisur me 2 mitralozë të kalibrit 30 dhe 7.62 mm, i kombinuar me aftësinë për t’u dislokuar në fushëbetejë nga një avion i madh transporti. Ai parashikohet të dërgohet në situata me rrezik të lartë, për të shmangur rrezikimin e panevojshëm të trupave njerëzore.

Arma që gjurmon objektivat që duhen goditur

Këto armë zjarri përdorin gjurmimin e objektivit, për të garantuar një probabilitet më të lartë të goditjes së objektivit që herën e parë, madje edhe nga një distancë e madhe. Sistemi i parë u zhvillua nga kompania amerikane TrackPoint. Arma ishte në gjendje të gjurmonte me saktësi objektiva deri 1.280 metra larg.

Sistemi i armëve me lazer (LaWS)

Ky sistem lazer mundëson përcaktimin e vendodhjes, dhe shkatërrimin e aseteve të armikut. Kjo armë është shumë më efektive në raport me koston, kur krahasohet me armët bombarduese tradicionale.

Boeing Laser Avenger

Është një armë mbrojtëse anti-ajrore, që mund të montohet në një automjet, dhe të përdoret për të goditur dronët e armikut. Në dallim nga armët konvencionale anti-ajrore, ky sistem nuk nxjerr tym apo flakë kur qëllon. Kjo do të thotë se mund ta godasë armikun pa u pikasur prej tij.

Transportuesi universal i ngarkesës njerëzore (HULC)

Është një kostum hidraulik me një skelet të jashtëm, që i ndihmon ushtarët në fushën e betejës, duke iu dhënë mundësi atyre të transportojnë ngarkesa të rënda për periudha të gjata kohe, pa lodhjen e zakonshme që do të shkaktohej në misione të tilla.

Pushka PHASR

Kjo armë ka aftësinë të verboje dhe ç’orientojë përkohësisht objektivat armike. Ajo gjuan me një rreze lazer me intensitet të ulët, që ka një efekt verbues, dhe është e përsosur për një sërë situatash, ku synimi është të neutralizohet objektivi.

Topi elektromagnetik

Kjo armë gjigante, është e aftë të gjuajë predha me shpejtësi mbi 7200 km/h, dhe të shkatërrojë struktura prej betoni që ndodhen deri 160 km larg. Ato përdorin më shumë energjinë e rrezeve lazer, sesa materialet tradicionale shpërthyese. Rezultati është një armë me rreze më të gjatë, dhe me një saktësi shumë më të madhe.

Sistemi mikroelektromekanik i insektit hibrid (HI MEMS)

Pajisje të tilla, janë përdorur nga ushtria amerikane që nga vitet 1940. Ato përdoren kryesisht për gjurmimin e vendndodhjes së trupave armike, dhe për përcaktimin e vendndodhjes së saktë të shënjestrave që duhen goditur./TIRANA TODAY

- Reklama -

Më shumë nga kategoria




Të fundit

Bora dhe Semi do të “hakmerren” ndaj Donaldit në “Për’puthen Prime”

Puthjet e Donaldit me Beatrixin, kanë shkaktuar një bum komentesh në rrjet. Fansat janë ndarë në grupe, ndërsa ende nuk ka patur një reagim...

Sfida mes një intelektuali që kërkon të vërtetën dhe një politikani që gënjen

Nga: Andi Bushati Ka një aksiomë të mirënjohur që shpjegon përplasjen e një politikani me një intelektual në arenën publike: Sipas saj, i pari tenton...

S’donte të bënte vaksinën, italiani shkoi me krahun prej silikoni

Disa mund të akuzohen se po përpiqen t'i shmangen sistemit për të marrë një certifikatë vaksine, por mbase askush nuk është aq i shkathët...

S’ka më lavazhe e servise makinash poshtë pallateve!Veliaj tregon masat e reja

Kryebashkiaku i Tiranës, Erion Veliaj, gjatë një dëgjese të zhvilluar me ministren e Mjedisit dhe Turizmit, Mirela Kumbaro, dhe përfaqësues të institucioneve të përfshira...

Vrasja e ish-deputetit, Artan Hoxha nxjerr videon

Kristian Klemendit dhe Marjan Kolës, të dyshuar për vrasjen e Pashko Ujkës u është komunikuar arrestimi ditën e sotme. Edhe pse ata kanë mohuar...