Kryeministri Rama deklaroi në konferencën me gazetarët se asnjë ministër, deputet dhe drejtor që nuk është mbi 75 vjeç, nuk do të jetë i privilegjuar për të bërë pa radhë vaksinën ndaj koronavirusit.
Rama u pyet nga gazetarët lidhur me një kërkesë që ka bërë Enver Roshi (i cili e ka kaluar Covid 19, ku u trajtua në Turqi), i cili kërkon që deputetët të jenë grup prioritar sa i takon vaksinimit.
Por Rama siç duket nuk ndan të njëjtin qëndrim. “Asnjë ministër, asnjë deputet, asnjë drejtor që nuk është mbi 75 vjeç nuk do ketë asnjë përjashtim të kësaj natyre”, u shpreh Rama.
