Ardian Çapja, koka e familjes dhe pronari i një sërë bizneseve në Elbasan, ka rënë pre për herë të tretë e një atentati, ku është qëlluar me snajper, por nuk kanë rritur që të eliminojnë.
Një person i veshur si punonjës në fushën e ndërtimit, mendohet të jetë kyç në atentatin e ndodhur sot.
Burime për “Dosja.al” thonë se një person me kominoshe që përdorin punonjësit e llaçit, ka zbritur nga një automjet i llojit “Ranga Rover” i policisë, dhe ka vrapuar drejt banesës së Çapjave. Ai ka qëndruar aty për më shumë se një orë. Ky është një detaj i ri, lidhur me atentatin ndaj Ardian Çapjas, që tronditi Elbasanin paraditen e sotme.
Po sipas këtyre burimeve, sulmi ishte i mirëmenduar. Ndonëse njerëzit e Çapjave janë vënë në ndjekje të autorëve menjëherë pas atentatit, ata nuk ia dolën mbarë që ti kapnin.
Një pjesë e tyre bllokuan rrugën kryesore në dalje të Krastës, dhe pritën momentin kur mjeti i atentatorëve kaloi me shpejtësi. Atentatorët janë larguar me ndihmën e disa personave të tjerë, që dyshohet se i prisnin në fillim të lagjes së re në Elbasan.
Krimi u shënua mëngjesin e sotëm, në zonën e Krastës në Elbasan. /Burimi: Dosja. al
