Opozita e bashkuar është mbledhur sërish për të protestuar para Parlamentit, pasi qeveria është duke zhvilluar seancën plenare të radhës. Të shumtë janë protestuesit që janë mbledhur nga e gjithë Shqipëria.
Mes turmës është edhe një i moshuar, i cili i ka mbërritur në Tiranë që në orën 7 të mëngjesit për të protestuar. I lodhur nga rruga dhe i thyer nga mosha ai ka zgjedhur të protestojë ‘ndryshe’ nga të tjerët dhe është shtrirë për tu qetësuar. Gazetarja e Tirana Today ka intervistuar të moshuarin, i cili është shprehur se gjendja e tij ekonomike është më keq se s’ka. Ai shprehet se nuk kanë bukë për të ngrënë dhe se nuk mund të paguajnë dritat.
Nga gjendja e keqe ekonomike ai ka filluar ti “këndojë” mjerimit edhe me disa vargje, të krijuar nga vetë ai.
Po protestoni?
Po protestoj për vuajtjet më të rënda. Në radhë të parë nuk kemi bukë për të ngrënë, dritat nuk kemi mundësi ti paguajmë. Kam një pension me plakën, unë marr 112 mijë letë të vjetra, ajo 117. Ma ngushtë nuk gjen më. Edi Rama dhe bota e shikojnë popullin.
Mund të thonë që Sali Berisha është i keq, të keq po e lemë, ose Luli është i keq, po i gjithë populli është i keq? Erdhi partia evropiane, ka ardhur me hile, shumë me hile. Bota duhet ta ndajë drejt këtë punë, jo të na fusë në sherr.
Isha shtrirë këtu sepse jam i lodhur, as nuk ka ngrënë as nuk kam pirë. Kam ardhur që në orën 7 të mëngjesit, u lodha, fuqia nuk është. Bashkimi Evropian ta vëri dorën mbi popullin shqiptar.
“E moj Europë Europë,
vërja gishtin kokës,
mendoni për këtë Shqipni,
se është tu e çu Edi Rama terr e zi.
Edi Rama thotë nuk janë të vërteta,
shkon droga me aeroplanë e me trageta.”
Kam bërë shumë poezi edhe pse kam vetëm katër klasë shkollë. TIRANA TODAY
