Bruno Shemsho është një ndër djemtë që ka spikatur këtë edicion në “Për’puthen”. Ai aktualisht është një ndër konkurrentët më të pëlqyer e më të komentuar të “Për’puthen 3”. Teksa po shijon famën, ai do përballet në të njëjtën kohë edhe me drejtësinë. Kjo pasi Vera Grabocka ka hedhur në gjyq konkurrentin e “Për’puthen”, dhe shkak është bërë “Love Story”.
Para se të niste eksperiencën e tij në këtë format, ai dëshironte që të merrte pjesë në një spektakël tjetër televiziv të ngjashëm me “Për’puthen”, “Love Story” që moderohet nga Alketa Vejsiu.
“Kryefjala” ka bërë të ditur se ai kishte nënshkruar dhe një kontratë, për t’u bërë pjesë e formatit të dashurisë “Love Story”.
Sipas këtyre zërave, ai i është bashkuar “Për’puthen”, duke lënë emisionin “Love Story” dhe duke shkelur kontratën me Vera Grabockën. Ndodhur në këto kushte, thuhet se ajo ka hedhur në gjyq konkurrentin.
