Komisioni i Disiplinës u tregua me “dorë të hekurt” ndaj Kamzës për dhunën që u ushtrua ndaj arbitrin kryesor në përballjen me Laçin këtë fundjavë. Ekipi është përjashtuar nga Kategoria Superiore dhe do të zbresë në Kategorinë e Dytë duke filluar nga sezoni 2019-2020. Klubet e tjera kanë filluar të bëjnë llogaritë për sfidat e mbetura në Superiore si dhe për përballjet e Kupës së Shqipërisë.
Si pasoj e këtij vendimi, Skënderbeu kualifikohet në raundin gjysmëfinale të Kupës. Kundërshtari i korçarëve në çerekfinale ishte pikërisht Kamza, ndaj kampionët e Shqipërisë kanë përfituar duke siguruar kualifikimin pa luajtur fare.
Skuadra e Orges Shehit, do të presë fituesin e çiftit Partizani-Luftëtari, për të mësuar kundërshtarin që do të përballet në gjysmëfinale.
