Greqia duket se nuk po gjen shërim nga pandemia. Pavarësisht masave kufizuese, sërish numri i rasteve të infektuar po shtohet me ritme të frikshme. Që prej fillimit të pandemisë, në Greqi janë regjistruar 115.471 raste infektimi dhe kanë ndërruar jetë 3003 pacientë. Ndodhur në këto kushte, autoritetet kanë marrë vendimin e radhës, për të zgjatur afatin e kufizimit.
Greqia ka vendosur zgjatjen e masave parandaluese ndaj Covid-19 deri në 7 janar. Zëdhënësi i qeverisë Stelion Petsas, ka lajmëruar se deri në datën 7 janar, shkollat, restorantet dhe institucionet e tjera do të qëndrojnë të mbyllura. Gjithashtu, udhëtimet nga rajoni në rajon do të jetë i ndaluar.
“Çdo kthim në normalitet duhet të bëhet gradualisht, dhe në mënyrë të sigurtë. Shkollat, qendrat argëtuese, aktivitetet sportive të ndryshme nga ato të miratuara nga komisioni shëndetësor, do të qëndrojnë të mbyllura deri më 7 janar”, ka thënë ai.
