Prej 12 vitesh, një fshat i vogël i pozicionuar në juglindje të Polonisë nuk sheh më djem, pasi lindin vetëm vajza. Bëhet fjalë për Miejsce Odrzanskie, ku numërohen 272 banorë. Ndërkohë, kryebashkiaku, Rajmund Frischko ka ofruar shpërblim, për këdo që lind djalë, ndërsa ka premtuar se: “Po mendoj që t’i vendos një rruge emrin e djalit të parë që do të lindë pas kaq vitesh.”
Interesimi i mjekëve dhe ekspertëve për të shpjeguar arsyen e këtij fenomeni ka qenë i konsiderueshëm.
Një ekip i Universitetit të Varshavës, me në krye profesor Rafal Ploski, ka studiuar personalisht rastin, por pa dhënë një shpjegim konkret.
Sakaq, në rrjetet sociale qarkullon fotografia e një skuadre me “zjarrfikës vullnetarë”, skuadër kjo e përbërë vetëm nga vajza me shpjegimin se “Në fshat nuk ka meshkuj”. Vajzat angazhohen dhe bëjnë ato punë që nga masa cilësohen për meshkuj.
