E martë, 23 Shkurt, 2021
11 C
Tirana

“Vëllai jetonte më një rumune”, rrëfehet motra: Partnerja i mori fëmijët dhe iku

Marsela Xhaxhaj jeton në shtetin grek dhe është e shqetësuar për fatin e nipit dhe mbesës. Teksa rrëfen në emisionin “Me zemër të hapur” në News24 historinë e vëllait të saj Mariglenit ajo thotë se ai jeton në Itali prej shumë vitesh.

Atje njohu dhe u dashurua me një shtetase rumune e cila fillimisht ka qenë e martuar me një shtetas italian, por ai ishte i sëmurë dhe para 3 vitesh ka ndërruar jetë. Nuk bën bashkë celebrim por bashkëjetuan dhe nga kjo bashkëjetesë kanë 2 fëmijë, një vajzë dhe një djalë. Problemet ekonomike, por sipas Marselës edhe sjellja e kunatës me fëmijët ka nxitur konfliktet në çift. Përpara dy muajsh ajo ka marrë dy fëmijët dhe është larguar nga banesa duke e gënjyer Mariglenin e duke i thënë se po shkonte tek motra e saj në Torino. Që nga ai moment e deri më sot ka mbyllur telefonin dhe çdo adresë tjetër duke shkëputur të gjitha kontaktet me bashkëshortin. Marigleni është i shqetësuar për fëmijët e tij dhe do t’i shohë sa më parë ata.

“Kishte 5 vite që vëllai jetonte më rumunen. Shtëpinë e kishin me qira. Janë të dy 38-vjeçarë. Ngaqë ishte e martuar për këtë arsye nuk isha dakord. Por nëse ai ishte i lumtur respektova zgjedhjen e vëllait. Kam shumë vite pa e parë vëllain, por ka qenë mami atje kur ka lindur fëmijët. Mami thoshte se ziheshin. Kur zihej me vëllain ajo bërtiste si i çmendur, i binte vetes me grushte. Vëllai nuk i kishte vënë re më parë këto veprime. Ajo ishte shumë kokëfortë.
Pas lindjes së vajzës filluan të acaroheshin gjërat. Para 11 muajsh më shkruan se ajo ishte shtatzënë. Unë i them: si ka mundësi që mbeti shtatzënë kur ai nuk shkonte me të? Përgjigja e saj ishte, se ka mbetur shtatzënë pa dashje.
Ajo kishte martesë të rregullt. Nuk donte të bënte ndarje me ish-bashkëshortin, sepse donte të merrte pensionin. Po vëllai e ka njohur atësinë e fëmijëve. Ai ka pasur dokumente, por nuk arrit t’i rinovojë. I kanë mbetur përgjysmë. Tani për tani nuk ka”, tregoi motra.

Sa i përket largimit të partneres së vëllait Marsela tha se ajo kishte thënë se do vinte te motra. “E kishin lënë pezull këtë muhabet. Vëllai ishte në punë, por kur kthehet në shtëpi e shikon që ajo nuk kishte marrë shumë gjëra me vetë. Atë ditë i ka dërguar edhe foto, por më pas e ka mbyllur telefonin. Shoferi e ka lajmëruar vëllain, sepse nuk kishte asnjë ide. Vëllai merr motrën e saj dhe ajo e mohon se e ka parë. Në ‘Facebook’ i ka shkruar dhe i ka kërkuar që të kthehej, por nuk mori asnjë përgjigje. Kjo ngjarje ka ndodhur para dy muajsh.
Ajo shprehte pakënaqësi, por jo të këtij tipi. Ajo kishte pakënaqësi se vëllai dilte jashtë pinte ndonjë birrë. Kunata ankohej te mami për këto veprime të vëllait. Mami ishte shumë e pakënaqur për të, sepse vëllai flinte vetëm në divan ndërsa zonja flinte me fëmijët. Vëllai nuk donte të shkonte në polici sepse është pa letra. Ka vetëm një kartë ID italiane. Ai donte të shkonte tek motra e saj, por nuk dinte shtëpinë, sepse ajo ka ndërruar vend. Familja e kunatës i ka mbyllur çdo kontakt vëllait dhe mua. Unë e kam diskutuar me vëllain se nëse kishin shumë sherre, mund të diskutonin dhe të ndaheshin bashkë, por jo të ikte fshehurazi me fëmijët sepse ata i takojnë dhe atij. Vëllai kërkon të shikojë fëmijët. Ajo nuk i dërgon asnjë foto të fëmijëve”, tregoi më tej Marsela.

Lexo edhe :   Si vdekja e një vëllai nxiti një revolucion
Lexo edhe :   Itali/ Kapet me 300 mijë euro drogë biznesmeni shqiptar (Emri)

Ajo deklaroi se vëllai do të bashkohej me të vetëm për hatër të fëmijëve. “Por nëse kthehet vëllai e pranon. Ju thashë pak më parë, që nuk e di ekzaktësisht se çfarë problemesh kishin në shtëpinë e tyre. Vëllai punonte, nuk ishte dembel. Ai vetëm dilte ndonjëherë, vonohej pak dhe pinte ndonjë birrë me shokët. Nuk kishte ndonjë arsye të fortë për konflikte. Vëllai nuk kishte çfarë të përfitonte nga rumunia sepse ajo nuk kishte asgjë. Ajo i kishte thënë në fillim që nuk donte të bënte lidhje, sepse donte të përfitonte nga pensioni i ish-burrit. Djali është 11 muajsh dhe vajza 3 e gjysmë”, tha më tej ajo.

Për psikologen Almeida Xhaferri, kjo ështe një marrëdhënie dashurie në kushte jo të zakonshme.
“Zonja tha se ishin komshinj dhe filluan bashkëjetesën në kohën kur ishte gjallë bashkëshorti. Kjo është një marrëdhënie dashure jo shumë e pranueshme për mentalitetin shqiptar. Moralisht nuk dua ta gjykoj këtë histori sepse janë persona të rritur. Si psikologe kur një grua merr fëmijë me vete dhe ikën te motra, merr pak rroba për të mos dhënë shenja, janë veprime që tregojnë se zonja ndihet e rrezikuar. Një grua arratiset kur ndihet e rrezikuar. Kjo mund të jetë edhe një formë ndëshkimi nga ana e zonjës ose një mënyrë alternative për të mbrojtur fëmijët nga një kërcënim, por këtë akoma se dimë. Për prindin tjetër është një ndëshkim shumë i rëndë. Kjo është një nga format më të rënda të ndëshkimit për një burrë dhe një grua”, tha Xheferri.

Avokatja Hava Shurdhi tha se vëllai i Marselës ka të drejtë të shohë fëmijët e tij dhe duhet të paraqitet pranë autoriteteve italiane.,
“Fëmija jashtë martese ka të njëjtat detyra dhe të drejta si fëmija në martesë. Vëllait i lind e drejta që të shkojë pranë organeve të shtetit ku ka lindur këto fëmijë dhe të provojë atësinë. Njohja e certifikatës dhe atësisë është hapi i parë që duhet të bëjë i ati. Nëse se ka njohur atësinë, duhet t’i drejtohet gjykatës që të vendosë për të marrë atësinë. Këtë vendim e merr vetëm gjykata”, tha avokatja./BalkanWeb

- Reklama -

Më shumë nga kategoria




Të fundit

Basha: Taksa e sheshtë 9%, çlirim për financat e sipërmarrjes shqiptare

Kryetari i Partisë Demokratike, Lulzim Basha shprehet se ulja e taksës nga 15 në 9%, do të çlirojë financat e sipërmarjes shqiptare. Teksa publikoi një...

Brataj vaksinoi shoferin personal? Urgjenca Kombëtare reagon pas akuzave

Qendra Kombëtare e Urgjencës Mjekësore ka reaguar sot pas lajmit të publikuar në rrjetet sociale për vaksinimin e një shoferi të këtij institucioni. QKUM shprehet...

Detaje të reja për vdekjen e Maradonës, hetuesit përfshijnë dhe dy të dyshuar

Në hetimin për vdekjen e Diego Armando Maradonas janë përfshirë edhe dy të dyshuar të tjerë. Ata janë Nensi Forlini, ekzekutive e kompanisë së...

Vrasja e dyfishtë për drogë në Malësi të Madhe/ Mbyllen hetimet për babë e bir

Pesë muaj nga vrasja e Vilson Çutajt dhe Klemend Pepajt në Malësi të Madhe, Prokuroria e Shkodrës ka mbyllur hetimet duke gjetur vetëm një...

Koronavirusi/ Më shumë të shëruar se të infektuar, por kurba mbetet e lartë

Kurba e koronavirusit vijon të mbetet e lartë, pasi në 24 orët e fundit janë regjistruar 1.021 raste të reja, nga 3.258 testime të...