Aktualitet

Vëllai i zyrtarit të PD u sorollat për 40 min, detajet nga aksidenti në Pishkash


               Publikuar në : 21:25 - 24/01/20 B H

Zbardhen detaje tjera nga aksidenti që ndodhi pasditen e sotme në aksin rrugor Librazhd-Qafë Thanë, ku mbeti i vdekur vëllai i zyrtarit të PD.

Sipas Abc News, fillimisht 4 të plagosurit janë dërguar në spitalin e Përrenjasit, por aty nuk ka pasur energji elektrike. Kështu të katër të aksidentuarit janë hipur sërish në autoambulancë për t’u nisur drejt spitalit të Librazhdit.

Policia konfirmoi se Ardian Vreto ndërroi më pas jetë në spitalin e Librazhdit pas një sorollatjeje më shumë se 40 minuta nga spitali në spital. Tre të lënduarit e tjerë të cilët po udhëtonin për pushime në juglindje të vendit janë në gjendje të mirë shëndetësore.

Ish-punonjësi i policisë së Librazhdit, Ardian Vreto po kthehej në shtëpi nga puna, kur u përplas me mjetin tjetër që i shkaktoi vdekjen.


Kthehu
WhatsApp Denonco ne TT