Erion Veliaj e ka shoqëruar me batuta ceremoninë e betimit si kryebashkiak në mandatin e tij të dytë në Tiranë. Toni Gogu, kryetari i ri i Këshillit Bashkiak të Tiranës është nga Peza, ndërsa i pranishëm në ceremoni ishte dhe kryeministri Edi Rama.
Veliaj i quajti të dy katundarë, nisur nga fakti që kryeministri Edi Rama jeton në periferi të Tiranës. Veliaj tha se meqë Rama është transferuar në Surrel, i përcjellë lajme çdo ditë nga fshati. Ai premtoi shumëçka për të ndryshuar jetesën në fshat.
“Një katundar nga Peza, Toni Gogu…Kemi dy katundar këtu tani që (Rama) është transferuar atje, dhe na sjell përditë lajme nga fshati. Duhet të përmirësojmë vendimmarrjen ndaj fshatit, përfaqësimin 50 me 50 të vajzave dhe grave.
Kemi një përfaqësim dinjitoz nga fshati, dhe disa nisma konkrete përtej gjelave të Baldushkut: Tregu publik i shumicës në Farkë!”, tha Veliaj.
