Kryebashkiaku i Tiranës, Erion Veliaj ka akuzuar kreun e Partisë Demokratike, Lulzim Basha se në këmbim të mbylljes së protestës së Astirit, ka marrë një makinë më vlerë 130.000 euro nga një kontraktror.
Vekiaj tha se është gati ta provojë këtë fakt.
“Pyetja ime për Lul Bashën është, premtoi që do të bënte harakiri për Astirin, pse e la protestën? A mori një makinë 130 mijë euro nga një prej kontraktorëve? Unë jam gati ta provoj këtë. Kam fituar çdo gjyq për shpifje. Pra, nëse një nga biznesmenët jep makinë, ai e lë protestën. Pse e la protestën e Rrugës së Kombit? Çfarë mori që e la protestën? Pse e la protestën për Farkën? Sa vila mori tek fshatrat e të pasurve në Lundër? Sa vila mori? Deri dje, ai që bënte vila ishte oligark. Pse i lënë këta të gjitha protestat?”, tha Veliaj.
Nga njësia numër 2 në Tiranë në një takim me anëtarë të PS, Veliaj i ka kthyer presidentit Ilir Meta një përgjigje për Teatrin Kombëtar pas akuzave të kreut të shtetit.
“Dëgjova presidentin sot dhe tha do bëhet teatri aty ku ka qenë, siç ka qenë, bla, bla, bla. Muhabetet koti. Është i njëjti President që tha do e gdhijmë aty, s’ka për t’i ndodhur asgjë etj, etj. Pra, e dini sa i sinqertë është për t’i mbajtur fjalët”, u shpreh kryebashkiaku.
