Pas raportit të Bankës Botërore që konfirmon se Shqipëria është e treta në botë për korrupsion pas Sierra Leones dhe Laosit, ka reaguar nënkryetari i LSI-së, Petrit Vasili.
Përmes një postimi në rrjetin social Facebook, Vasili bën përgjegjës kryeministrin Edi Rama për situatën në të cilën ndodhet vendi.
Postimi i Vasilit: “Me suksesin e “reformave” të Edi Ramës, nga të tretët do të jemi të parët në botë për korrupsionin. Banka Botërore konfirmon se Shqipëria është e treta në botë për korrupsionin pas Sierra Leones dhe Laosit.
Kam dëgjuar disa të huaj që thonë që Shqipëria të vazhdojë rrugën e reformave.
Me këto “reformat” e kapjes se shtetit nga Edi Rama jemi të tretët me botë për korrupsion.
Po të vazhdojë suksesi i reformave me Edi Ramën në krye do jemi të parët në botë për korrupsion.
Go Edi Rama go!”
