Qyteti australian i Sidneit, ka kaluar në karantinë dy javore, për shkak të rritjes së rasteve të reja me koronavirus. Ditët e fundit, në këtë qytet janë konfirmuar 80 raste me variantin indian të Covid, Delta që po përhapet dhe po shqetëson një pjesë të madhe të shteteve në botë, shkruan BBC.
Nga karantina e vendosur ditën e djeshme, u prekën rreth 1 milion banorë të pjesës qendrore dhe jugore të qytetit. Guvernatorja e Uellsit Jugor, Gladys Berejiklian tha se karantina do të jetë në fuqi deri në 9 korrik për të gjithë qarkun.
“Kur kemi një variant ngjitës, si virusi Delta, një bllokim tre ditor nuk funksionon, nëse do ta bëjmë këtë ne duhet ta bëjmë siç duhet. Ne duhet të përgatitemi për një numër potencialisht të madh të rasteve në ditët në vijim.”, tha ajo.
Policia ka thënë se do të përdorin teknologjinë e njohjes së targave, për të monitoruar automjetet dhe për të siguruar që njerëzit nuk janë larguar nga zona e tyre e banimit. Australia vazhdimisht ka mbajtur nivele shumë të ulëta të transmetimit të Covid dhe ky është bllokimi i parë në Sidnei, që nga dhjetori i vitit të kaluar.
Përhapja e infeksioneve të reja u shfaq një javë më parë në Bondi, periferi e famshme e në zonat e plazhit, dhe u përhap fillimisht në qendër të qytetit dhe më pas në skajet e saj perëndimore. Varianti Delta ishte i lidhur me një shofer që transportonte mbërritjet ndërkombëtare nga aeroporti.
Ministri i Shëndetësisë i Shtetit Brad Hazzard e përshkroi variantin Delta, që u shfaq për herë të parë në Indi, si një “armik shumë i frikshëm”.
