Komisioneri për Zgjerimin dhe Fqinjësi në Bashkimin Europain, Oliver Varhelyi është shprehur se është e nevojshme që të fillojnë negociatat me Shqipërinë dhe Maqedoninë e Veriut, për integrimin në union.
Deklaratën, Varhelyi e bëri pas përfundimit të mbledhjes së Ministrave të Jashtëm të BE-së, teksa shtoi se perspektiva e rajonit në Bashkimin Europian është e padiskutueshme.
Ndër të tjera, komisioneri vuri theksin dhe te nevoja e vazhdimit të dialogut midis Kosovës dhe Serbisë.
”Në Këshillin e Punëve të Jashtme për Komisionin Evropian sot ishte një diskutim i mirë për Ballkanin Perëndimor, duke konfirmuar se perspektiva e rajonit në BE është e padiskutueshme. Nevoja për të filluar bisedimet e pranimit me Shqipërinë dhe Maqedoninë e Veriut dhe vazhdimin e dialogut Beograd-Prishtinë.
Në diskutimin mbi marrëdhëniet transatlantike u theksua rëndësia e partneritetit të fortë strategjik transatlantik, përfshirë edhe kur bëhet fjalë për fqinjësinë e afërt të Bashkimit Europian. Ne do të ndjekim një qasje të koordinuar në Ballkanin Perëndimor , drejt Lindjes dhe Jugut.”, shkruan Varhelyi në rrjetin social, Twitter.
At Foreign Affairs Council #FAC for @EU_Commission today. Good discussion on #WesternBalkans, confirming that the region’s #EU perspective is unquestionable & commitment to further step up engagement. Need to launch accession talks w ???? & continue Belgrade-Pristina dialogue. pic.twitter.com/5VfsFfN7Kw
— Oliver Varhelyi (@OliverVarhelyi) May 10, 2021
