E diel, 16 Janar, 2022
10.5 C
Tirana

Varhelyi: Duhet t’i bindim shtetet për liberalizimin e vizave për Kosovën

Komisionari i Bashkimit Evropian për Fqinjësi dhe Zgjerim, Oliver Varhelyi, tha sot në Prishtinë se duhet bindur shtetet anëtare të BE-së për t’i liberalizuar vizat me Kosovën.

Ai i bëri këto komente në një seancë solemne në Kuvendin e Kosovës. Ai tha se në drejtim të procesit për liberalizimin e vizave, duhet vazhduar përpjekjet për t’i bindur shtetet anëtare që t’u ofrohet liberalizimi qytetarëve të Kosovës.

“Vlerësimi ynë mbetet se i keni përmbushur të gjitha kushtet, por nuk mjafton vetëm vlerësimi ynë, duhet t’i bindim shtetet anëtare”, tha ai.

Varhelyi, gjatë adresimit të tij para deputetëve të Kuvendit të Kosovës, theksoi se Bashkimit Evropian tani në fokus të sajin ka mbështetjen afatgjate në rrafshin socio-ekonomik, jo vetëm në Kosovë, por edhe në rajon.

Ai tha se përfaqësuesit e vendeve të Ballkanit Perëndimor, duhet të punojnë për të arritur një marrëveshje për zhvillimin e tregut rajonal.

“Kjo [marrëveshje] do ta shndërrojë rajoni në një vend atraktiv për investitorët. Do të thotë është në interesin tonë strategjik ta sjellim Ballkani Perëndimor më afër BE-së. Ekziston një zbrazëtirë e madhe mes vendit tuaj, rajonit dhe BE-së. Aq më shpejt që e mbyllim këtë hapësirë aq më shpejt fillojmë të krijojmë një ekonomi të qëndrueshme dhe të fuqishme”, tha Varhelyi.

Kryetarja e Kuvendit të Kosovës, Vjosa Osmani, në fjalën mikpritëse të saj për komisionarin e Lartë të BE-së, Oliver Varheily, tha mes tjerash se ‘Kosova nuk pranon që dialogu të përfundojë me kufij tjerë, përpos atyre aktualë’.

Ajo theksoi se kosovarët nuk pranojnë një republikë tjetër brenda aktuales.

“Për republikën tonë, roli i BE-së është i patjetërsueshëm, anëtarësimi në BE mbetet një ndër prioritetet themelore të republikës sonë. Njësoj edhe në procesin e dialogut, roli i BE-së është i rëndësisë së veçantë në bashkëpunim me SHBA-në. Qytetarët e Kosovës e kanë bërë të qartë se në dialog nuk pranojnë asnjë ndryshim të kufijve e as defunksionalizim të shtetit tonë “, tha Osmani.

Osmani theksoi se mosliberalizimi i vizave për Kosovën nuk i bën nder BE-së. Ajo shtoi se tash me kushtet e kërkuara janë plotësuar.

“Edhe institucionet e Kosovës janë të vetëdijshme që rruga drejt BE-së kërkon përkushtim përtej fjalësh, kërkon koordinim e përpikëri në zbatim të obligimeve tona. Prej një dekade institucionet e Kosovës, jo vetëm që kanë bërë përpjekje për t’i përmbushur kriteret e kërkuara për liberalizim vizash, por i kanë plotësuar që të gjitha”, tha Osmani.

Komisionari për Fqinjësi dhe Zgjerim të Bashkimit Evropian, Oliver Varhelyi, ka zhvilluar edhe një takim me kryeministrin e Kosovës, Avdullah Hoti./REL/

- Reklama -

Më shumë nga kategoria




Të fundit

Shuhet legjenda e futbollit shkodran, e mundi sëmundja

Një sëmundje e rëndë ka mposhtur legjendën e futbollit shkodran, Ramazan Rragami, i cili u shua në moshën 77-vjeçare. Rragami vuante prej vitesh nga një...

Falsifikimi i dokumenteve/Gjykata liron nga burgu vëllain e Sheila Haxhiraj

DVP Lezhë në bashkëpunim me DVP Tiranë dhe atë të Elbasanit, finalizuan operacionin “Identiteti”. Nga finalizimi i operacionit, pas tre muajsh hetime, u zbulua...

Misteri afrikan: Pse C*vid-19 ka shkaktuar më pak vdekje se kudo tjetër?

Nga: Federico Giuliani “Il Giornale Është një kontinent i madh, rreth 7 herë më i madh sesa Bashkimi Evropian, dhe i banuar nga pothuajse 1.5 miliardë...

“Basha është pronar i basteve”/PD ia kthen Berishës: Mashtrues kronik!

Partia Demokratike ka përgënjeshtruar akuzat e ish-kryeministrit Berisha, ku tha se kryedemokati Basha është pronar i basteve. Shigjetimet e Berishës ndaj Bashës erdhën nga...

Zgjedhjet lokale, kurthi pervers i Metës për Bashën

Nga: Andi Bushati Pak kohë përpara se Gjykata Kushtetuese të vendosë nëse Presidenti i Republikës e ka tejkaluar rolin e tij për të qënduar mbi...