E diel, 16 Janar, 2022
10.5 C
Tirana

Koronavirusi: A duhen mbajtur maskat edhe në mjediset e jashtme?

Ato duhet të mbahen gjithmonë, madje edhe në ambiente të hapura. Bëhet fjalë për maskat shumë të diskutuara, protagoniste që nga fillimi i pandemisë së Covid-19, të cilat bashku me distancimin social dhe larjen e shpeshtë të duarve, janë ndër strategjitë kryesore për të kufizuar përhapjen e koronavirusit të ri, dhe të cilat deri më tani ishin të detyrueshme të përdoreshin vetëm në mjediset e brendshme.

Por, përballë rritjes së rasteve të reja me Covid-19, qeveria italiane ka vendosur së fundmi që tani e tutje nuk do të jetë më e mundur të qëndrosh jashtë, pa mbajtur një maskë në fytyrë. Me përjashtim të fëmijëve nën 6-vjeç, ata që merren me sport, ata që ngasin makinën vetëm ose me anëtarët e familjes, apo ata që ndodhen vetëm në një vend të izoluar.

Por, a janë maskat vërtet të dobishme në ambientet e jashtme për frenimin e pandemisë? Për disa ekspertë, kjo masë është e dobishme në kushte të caktuara. Megjithëse në fakt, rreziku i infektimit në ambientet e jashtme është i ulët, ai prapë mund të ndodhë, sidomos kur nuk është e mundur të ruash një distancë të sigurt nga të tjerët.

Për shembull, sikurse e rikujton “Neë York Times”, një studim kinez tregoi se nga mbi 7.000 të infektuar, vetëm një nga infektimet ndodhi jashtë, ai i një 27-vjeçari që kishte pasur një bisedë me një person të infektuar, dhe që ishte kthyer kohët e fundit nga Vuhani.

“Rreziku është është më i ulët jashtë, por megjithatë nuk është zero”- thotë Shan Soe-Lin nga Instituti Jeil Xhekson për Çështjet Globale. Prandaj, kërkohet maturi dhe një logjikë e kthjellët. Në fakt, ne e dimë që koronavirusi transmetohet kryesisht përmes spërklave tanimë të famshme.

Edhe pse Qendrat e Parandalimit të Sëmundjeve Infektive në SHBA (CDC), kanë deklaruar kohët e fundit se ndonjëherë virusi mund të transmetohet edhe nga ajri në mjedise të mbyllura, nga spërklat që përmbajnë grimca virale, dhe se ato mund të mbërrijnë përmes të folurit, kollitjes dhe teshtitjes në rrugët e frymëmarrjes të atyre që janë aty pranë.

Por ajo që duhet thënë është se edhe në hapësirat e jashtme të mbipopulluara, kur distanca e sigurisë është e pamundur të ruhet, është e rëndësishme që të silleni me kujdes për të mbrojtur veten dhe të tjerët, duke mbajtur një maskë në fytyrë.

Mediat italiane thonë se dekreti i qeverisë italiane, që do të ketë një kohëzgjatje prej 30 ditësh, do të përmbajë konfirmimin e të gjitha masave të kontrollit të parashikuara tashmë deri më tani, me maskat që duhen mbajtur gjatë gjithë kohës në ambientet e mbyllura, në transportin publik, trena dhe avionë.

Por maskat do të bëhen të detyrueshme edhe në ambientet e jashtme, në rastet kur distancimi social nuk mund të respektohet, për shembull në oborret e shkollave apo në baret e hapura.

Me pak fjalë, do t’ju duhet t’i mbani maskat sa herë që takoni njerëz të tjerë (padyshim jo të afërm).

“Maskat janë mjeti i parë thelbësor kur takon njerëz me të cilët nuk jeton përditë”-deklaroi së fundmi Ministri italian i Shëndetësisë, Roberto Speranca. “Prandaj synojmë të zgjerojmë përdorimin e tyre edhe në mjediset e jashtme. Ne duhet të vazhdojmë të kemi një sjellje jashtëzakonisht të kujdesshme”- tha ai.

Burimi i lajmit: https://www.wired.it/scienza/medicina/2020/10/07/coronavirus-mascherine-aperto

Përshtatur nga Tirana Today

- Reklama -

Më shumë nga kategoria




Të fundit

Shuhet legjenda e futbollit shkodran, e mundi sëmundja

Një sëmundje e rëndë ka mposhtur legjendën e futbollit shkodran, Ramazan Rragami, i cili u shua në moshën 77-vjeçare. Rragami vuante prej vitesh nga një...

Falsifikimi i dokumenteve/Gjykata liron nga burgu vëllain e Sheila Haxhiraj

DVP Lezhë në bashkëpunim me DVP Tiranë dhe atë të Elbasanit, finalizuan operacionin “Identiteti”. Nga finalizimi i operacionit, pas tre muajsh hetime, u zbulua...

Misteri afrikan: Pse C*vid-19 ka shkaktuar më pak vdekje se kudo tjetër?

Nga: Federico Giuliani “Il Giornale Është një kontinent i madh, rreth 7 herë më i madh sesa Bashkimi Evropian, dhe i banuar nga pothuajse 1.5 miliardë...

“Basha është pronar i basteve”/PD ia kthen Berishës: Mashtrues kronik!

Partia Demokratike ka përgënjeshtruar akuzat e ish-kryeministrit Berisha, ku tha se kryedemokati Basha është pronar i basteve. Shigjetimet e Berishës ndaj Bashës erdhën nga...

Zgjedhjet lokale, kurthi pervers i Metës për Bashën

Nga: Andi Bushati Pak kohë përpara se Gjykata Kushtetuese të vendosë nëse Presidenti i Republikës e ka tejkaluar rolin e tij për të qënduar mbi...