Vaksinimi, Manastirliu jep shifrat: Deri tani kemi injektuar 138,846 doza

Ministrja e Shëndetësisë, Ogerta Manastirliu ka njoftuar se ditën e sotme 19,525 persona kanë marrë dozën e vaksinës kundër koronavirusit.

Me këtë në shifër, në total numërohen 136,646 persona të cilët kanë marrë të paktën një dozë të vaksinës.

”Nga fillimi i fushatës së vaksinimit #ShqipëriaBuzëqesh janë kryer 138,846 vaksinime anticovid në të gjithë vendin”– shkruan Manastirliu në rrjetin social, Facebook.

Më herët, kryeministri Edi Rama bëri me dije se në vendin tonë pritet të vijnë edhe 50 mijë doza të vaksinës anti-covid, të prodhuar nga kompania AstraZeneca.