Franca zgjat masat anti-covid, Macron: Shkollat do të mbyllen për 3 javë

Franca zgjati kufizimet e lëvizjes për të gjithë vendin, me shkollat ​​që do të mbyllen për tre javë, teksa kërkon të evitojë një valë të tretë të infektimeve me Covid-19 që kërcënon të mbingarkojë spitalet.

Presidenti Emanuel bMacron tha se ai po shtrin rregullat e bllokimit tashmë në fuqi në Paris, pjesë të veriut dhe pjesëve të jug-lindjes për të gjithë vendin për të paktën një muaj, duke filluar nga e shtuna, shkruan The Guardian.

“Ne do të humbasim kontrollin nëse nuk lëvizim tani,” – tha Macron, i cili ka rezistuar prej kohësh thirrjeve për masa të reja të bllokimit kombëtar, në një fjalim televiziv drejtuar kombit.

Shkollat ​​do të mbyllen për tre javë pas Pashkëve, e cila bie këtë fundjavë. Franca kishte mbyllur shkollat ​​e saj për dy muaj gjatë bllokimit të parë Covid-19 por i kishte lënë të hapura gjatë bllokimit të dytë në nëntor dhe i ka mbajtur të hapura që nga viti, megjithëse me disa kufizime në numrin e frekuentimit.