Efektivët e Forcave të Armatosura janë vendosur pranë Rinasit, pas vendimit të marrë nga Ministria e Mbrojtjes pas grabitjes së disa milionë eurove.
Tashmë përgjatë perimetrit të sigurisë së Aeroportit ka nisur patrullimi i efektivëve, ndërsa paraditen e sotme në Rinas ka mbërritur edhe ministrja e Mbrojtjes, Olta Xhaçka.
Kjo e fundit shoqërohej nga Shefi i Shtabit të Përgjithshëm të FA, gjeneralbrigade Bardhyl Kollçaku, për inspektim.
“Nuk behët fjalë për siguri brenda. Ne do të patrullojmë sigurinë e perimetrit të aeroportit. Baza jonë nuk është asnjë kilometër. Ne do të sigurojmë perimetrin e aeroportit, sepse nuk na takon neve ta bëjmë”, tha ministrja duke iu përgjigjur akuzave se po shkelet Kushtetuta.
Lidhur me kërkesën e presidentit Meta për informacion, Xhaçka tha: “Nuk kam pse të informoj Presidentin se nuk do shkojmë në luftë”.
