Ekonomi

Urbanistët të mendojnë për ringritjen, ja çfarë masash duhen marrë


               Publikuar në : 16:13 - 29/11/19 B H

Edhe pse vendi është në gjendjen e emergjencës për shkak dëmeve materiale dhe në njerëz nga tërmeti i 26 nëntorit, urbanistët bëjnë thirrje për masa të menjëhershme për një planifikim të ri urban dhe një inventarizim të objekteve që nuk plotësojnë kriteret e sigurisë.

Urbanisti Gent Kaprata tha se fillimisht duhen shkatërruar ndërtesat e pabanueshme apo më risk të madh. Ekspertet duhet të verifikojnë më imtësi çdo banesë, por fillimisht duhen shembur ato që dukshëm janë të dëmtuara.

Kaprata bëri thirrje për rikthim në gjendje fillestare të kateve të para, sidomos në Tirane dhe Durrës, ku pallatet vjetra dhe bodrumet e tyre janë me struktura të deformuara për shkak se janë kthyer në dyqane.

Kaprata tha se duhet një moratorium ndërtimi për 3-5 vjet. Shqipëria post komuniste ka 1.1 milion ndërtesa dhe banesa të reja të ndërtuara në 30 vite tranzicion dhe 0.5 milion banor më pak. Shtimi i volumeve të reja ndërtimore është një krim, shprehet urbanisti. Ai tha se duhet të jepen leje vetëm për rikonstruksion më të njëjtin volum, rivitalizim dhe modernizim i ndërtesës.

Kaprata tha se duhet të prishen menjëherë të gjitha shtesat e kateve. Asnjë kat shtese mbi projektin që ka marre leje nuk duhet toleruar.

Ai rekomandoi një reforme të vërtetë territoriale e mbështetur tek territori dhe qytetarët.

Ai tha se duhet riformatim i fushëveprimeve të qeverisjeve në dy nivele (qendrore dhe vendore) me theks të fortë decentralizimin.

Duhet ndërtimi një sistemi të ri ligjor (përfshirë kulturor) për planifikim dhe zhvillimin territorial dhe riformatim e qasjes politike mbi procesin e legalizimit të ndërtimeve pa leje./Monitor

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *

Kthehu
WhatsApp Denonco ne TT