Kryeministri Edi Rama, gjatë konferencës së zhvilluar me gazetarët, teksa bëri bilancin e punës së tij gjatë vitit 2020, e cilësoi vetën ‘njësh’. Mospatjen e një marrëveshjeje për vaksinën, e lidhi me justifikimin se kompanitë prodhuese i lidhin marrëveshjet direkte me entitete si BE ose me shtete të fuqishme.
Ai njoftoi se Shqipëria është shumë pranë marrëveshjes Pfizer për vaksinën anti-COVID, ndërkohë që nuk i ka kursyes disa fjalë të mira për veten. “Kur isha në SHBA, ekipi ynë bashkë me ekipin e Pfizer biseduam për vaksinën, se kur vjen puna për të lypur për shqiptarë përtej modestisë jam njëshi”, tha Rama.
Fjala e Ramës
“Ne jemi të bindur që do fillojmë vaksinimin pa pritur që të kalojë ky ngërç. Do e fillojmë vaksinimin brenda janarit. Ne në mes të janarit do fillojmë me mjekët dhe infermierët e do vazhdojmë me grupet vulnerabël.
Jemi në diskutime edhe me Astra Zenicën dhe me Modernën dhe besoj që shumë shpejt do finalizojmë marrëveshjen me Pfizer, e cila lidhet me kapacitetet që janë në shtete të ndryshme.
Ndaj edhe kjo mbetet për diskutim, se duhet kuptuar mekanizmi si funksionon shpërndarja. Pas takimit tonë me bosin e Pfizer, ekipi çon e merr dokumentacione përkatës, e ndërsa nga ana jonë ne po punojmë se ka gatishmëri Pfizer dhe po negociohet me një vend tjetër që të mund të vijë tek ne, se ndryshe nuk funksionon.
U fol se nisi vaksinimi në Maqedoninë e Veriut, por çfarë filloi? Bëhet fjalë për 100 doza të dhëna të aprovuara nga Bullgaria në formë solidariteti dhe miqësie, por mekanizmi kështu funksionin.
Objektivi ynë është që të mos mbetemi asnjë minutë mbrapa të tjerëve, dhe të nisim menjëherë në janar.
Këtu do jemi, kështu do ndodhë se kur vjen puna për të lypur për Shqipërinë e shqiptarët, më falni për modestinë por jam njësh”.
