Ish-ministri i Drejtësisë, Ylli Manjani, ka njoftuar se pas 10 ditësh me COVID-19, ai dhe familja e tij kanë arritur ta fitojnë me sukses këtë betejë.
Teksa tregon se është në gjendje të mirë shëndetësore, Manjani nuk lë pa bërë ironi edhe me vaksinën anti-COVID. Ai tregon se së bashku me anëtarët e familjes, përjetuan temperaturë të lartë, dhimbje trupi dhe këputje.
Por tashmë ia dolën mbanë, falë këshillave mjekësore dhe ilaçeve të mara. Manjani thotë më tej me ironi se ia hodhën pa përfunduar statistika të ditës. Ndër të tjera ai zbulon se është me sëmundje bashkëshoqëruese, por tashmë ndodhet në gjendje të mirë shëndetësore.
Statusi
Pas 10 ditësh pozitivet, kthehemi prap në negativitetin që na karakterizon.
Një 10 ditësh ku kaluam temperaturë të lartë, dhimbje trupi e këputje. Ishim e gjithë familja njësoj.
Por ja hodhëm. Me ndihmën e këshillave mjeksore dhe me vitamina. Ja hodhëm pa qenë e nevojshme të ishim statistika e ditës e qeverisë… Unë jam dhe me “precedent” dmth me sëmundje bashkshoqëruese dhe, statistikat e qeverisë më shpallin fajtor në çdo rrethanë…
Kësaj të fundit po i kursejmë edhe 4 vaksina, nga ato që nuk i ka gjetur akoma. Por kur ti gjejë, nuk ja duam!
U “vaksinuam” në mënyrë urbane me material bioligjik të gjallë. Kështu që i falemi me shnet Phizit (Phizerit)..!
