Avokati Spartak Ngjela i ftuar në emisionin “360 gradë” ka debatuar me gazetarin Erion Kristo për situatën në gjykata, pasi, sipas tij, kjo nuk është një çështje gazetarie, por ekspertësh.
Kristo: Unë do rroj kur ti vijë ngeja drejtësisë. Unë dua të rroj sot, sot kam uri, sot më pihet ujë sot më hahet. Edhe në kohën e luftës që është ligji i luftës në fuqi ka një gjykim
Ngjela: Si nuk ka gjykim këtu?
Kristo: Nuk ka gjykim sepse janë goditur gjyqtarët e Apelit
Ngjela: Vazhdojnë gjyqet
Kristo: Vazhdon edhe hedhja e bombave në Irak
Ngjela: Dëgjoni t’ju them një gjë, lerjani profesionistëve këtë nuk është çështje gazetarëve.
Gjithashtu, Ngjela duke folur për sistemin e drejtësise u shpreh se sipas tij vettingu po heq të korruptuarit.
“Shtet ligjor do të thotë të kesh gjykatë, të tjerat janë broçkulla. Ky është sistem i gjykatës, të tjerët tjerrin pambuk. Ne nuk kemi pasur gjykatë. Vetingu po eliminon gjithë korrupsionin. Po çfarë kishte Shqipëria? Kishte një marrëveshje korruptive mes gjyqtarëve dhe politikës. Marrëveshja ishte që ne do vjedhim shtetin, kurse ju do shisni drejtësinë. Kjo ka gjënë gjendja përpara se të ndërhynte Amerika, që ju mori kushtetutën me dhunë”, -tha Ngjela.
