Maqedonia e Veriut ka regjistruar një rënie të ndjeshme në numrin e rasteve të reja me koronavirus, gjatë 24 orëve të fundit.
Sipas mediave vendase, ditën e sotme janë shënuar 78 raste të reja, ndryshe nga një ditë më parë ku u shënuan 114 raste.
Prej tyre: 26 janë regjistruar në Shkup, 4 në Kumanovë, 1 në Dibër, 17 në Shtip, 9 në Tetovë, 3 në Strugë, 1 në Manastir, 1 në Ohër, 5 në Gostivar, 1 në Kriva Pallankë, 1 në Koçan, 3 në Probishtip, 1 në Vinicë dhe 5 në Shën Nikollë.
Kështu shkon në 7,124 numri total i rasteve të regjistruara me koronavirus në vendin fqinj.
Gjatë 24 orëve të fundit janë regjistruar edhe 5 viktima, prej të cilëve tre nga Shkupi, një nga Kumanova dhe një nga Struga.
Deri më tani, 346 persona kanë humbur jetën nga koronavirusi. Ndërsa për momentin ka 3,579 raste aktive.
