Tirana u trondit në orët e para të ditës nga një shpërthim, shkaktuar nga vendosja e lëndës plasëse. Ngjarja u shënua në rrugën “Ramazan Bogdani”, ku një mjet tip Benz ka shpërthyer në flakë.
Shpërthimi mendohet të jetë shkaktuar nga një lëndë plasëse, që i është vënë automjetit. Sikundër njoftoi edhe më herët policia me anë të një deklarate për mediat, nuk ka të lënduar, por vetëm dëme materiale.
Një qytetar shkruan për redaksinë e JOQ ALBANIA, se pronari i mjetit me inicialet A.B., kishte vetëm 5 ditë që kishte ardhur në atë zonë. Sipas fotos që ka dërguar qytetari, pronari i “Benzit” është shëndoshë e mirë.
Qytetari thotë se: “Personi këtu, pronari që plasi lënda eksplozive. Makinë luksoze mbi 100 mijë euro, po na rrezikojnë jetën. Jam i lagjes dhe kjo makinë ka 5 ditë që ka ardhur. Si duket e ka pasur paralajmërim. Me këtë makinë binte në sy në lagje”.
