Edhe pse ende nuk ka asnjë njoftim zyrtar, BW raporton se në afërsi të Qafë-Botë është ndaluar një makinë, në të cilën është kapur një sasi e madhe lënde narkotike. Mësohet se droga e kapur do të transportohej për në Greqi.
Sipas BW, në pranga ka rënë shtetasi Arsen Hoxha, 40 vjeç nga Cakrani i Fierit. Ai ka qenë më herët i arrestuar për trafik klandestinësh në Sarandë. Sipas burimeve të BW, 40 vjeçari për të mos rënë në sy ka pasur dhe gruan në makinë. Ai mendonte se në këtë mënyrë nuk do të tërhiqte vëmendjen e forcave të policisë.
Pritet që në vijim të zbardhen detaje nga policia për ngjarjen.
