Tashmë është zbardhur shkaku i vdekjes së Zhaneta e Anisa Josifit, nënë e bijë në Kombinat. Duke iu referuar burimeve nga grupi hetimor, shkaku i vdekjes është agjërimi i gjatë.
Nëna me dy vajzat kanë qëndruar pa ngrënë dhe pa pirë. E vetmja e mbijetuar është vajza tjetër Blerta, e cila ndodhet në spital.
Blerta u ka komunikuar shkurtimisht grupit hetimor këto fjalë: “Se keni idenë çfarë kaluam ne për të fituar ringjalljen”. Ekspertët i kanë gjetur viktimat të lyera me vaj dhe uthull, që siç duket është një rit, me shpresën se ato një ditë do të ringjalleshin sërish.
Në trupin e vajzës janë gjetur shenja vaji që e përdorte nëna me motrën tjetër, për të mos u dekompozuar trupi dhe për të mos ardhur erë të keqe. Trupi ishte mbështjellë me shtroje dhe mbulesa të shumta.
Të treja gratë ishin dëshmitare të Jehovait, ndërkohë që më herët ishte ndarë nga jeta në Përmet dhe bashkëshorti i Zhanetës, i cili dyshohet se ishte themeluesi i degës së Jehovait në Përmet.
