Policia ka dhënë detajet e para lidhur me vdekjen e pushuesit në plazhin e Shëngjinit. Viktima është identifikuar si B.M, 78 vjeç, banues në Krujë. Pasi ka hyrë në det për tu larë, dyshohet se 78-vjeçari është ndjerë keq nga ana shëndetësore, dhe rrugës për në spital kur po transportohej me ambulancë, ka ndërruar jetë.
Njoftimi i plotë:
Në Shëngjin, shtetasi B.M. 78 vjeç, banues në Krujë, dyshohet që pasi ka hyrë në det për tu larë, është ndjerë keq nga ana shëndetësore dhe rrugës për në spital kur po transportohej me ambulancë, ka ndërruar jetë.
Grupi hetimor në vendngjarje, vazhdon hetimet për zbardhjen e plotë të rrethanave të ngjarjes.
