Kreu i Partisë së Lirisë, Ilir Meta, zbuloi për gazetarët se çfarë bisedoi sot në selinë blu me kreun e PD-së, Sali Berisha. Zgjedhjet dhe protestat kanë qenë dy temat e nxehta për të cilat është diskutuar mes tyre.
“Me z. Berisha kemi folur edhe për zgjedhjet edhe për protestat. Por kemi folur edhe për protestat edhe për zgjedhjet. Pra kemi folur për fuqizimin e demokracisë”, tha Meta.
Takimi mes palëve zgjati rreth 30 minuta. Të hënën, kreu i PD-së konfirmoi se opozita do të formojë një koalicion me bazë të gjerë për zgjedhjet lokale të vitit të ardhshëm. Berisha u shpreh se aleatët e PD-së, përveç Partisë së Lirisë, do të jenë edhe të tjera parti parlamentare e jo parlamentare.
