Lulzim Basha, në një prononcim për mediat ka folur për takimin që ka pasur me 6 ambasadorë paraditen e sotme. Kryedemokrati Basha tha se takimi që ka zhvilluar me diplomatët e huaj ishte për të djeshmen, të sotmen dhe të ardhmen.
Z. Basha keni zhvilluar një takim sot me ambasadorët. Kishte lidhje me ngjarjet e djeshme?
Takimi i sotëm me ambasadorët ishte për të djeshmen, për të sotmen dhe për të ardhmen.
Ambasadorja e SHBA, ambasadori i BE dhe ambasadorët e Gjermanisë, Italisë, Francës dhe Britanisë së Madhe kanë diskutuar më Bashën për më shumë se një orë.
Diplomatët e huaj u pritën në hyrje të PD-së nga Sekretari i Përgjithshëm, Gazment Bardhi dhe nënkryetarja Jorida Tabaku. Ambasadorja amerikane Yuri Kim nuk ka hezituar të japë edhe një mesazh sapo shkeli selinë blu. “Ditë me diell. Ditë shumë e bukur sot”, i thotë ajo Tabakut teksa futet brenda në PD.
